Լոնդոնը սառեցնում է ռուսական ակտիվները 350 մլրդ դոլարով

Մեծ Բրիտանիայի իշխանությունները սառեցրել են 350 միլիարդ դոլարի (321 միլիարդ եվրո) ռուսական ակտիվները՝ կապված Ուկրաինայի դեմ Ռուսաստանի Դաշնության շարունակվող պատերազմի հետ։ Այս կապակցությամբ պաշտոնական հայտարարություն կարվի մինչև շաբաթվա վերջ: Այս մասին Լեհաստան կատարած այցի ժամանակ ասել է Մեծ Բրիտանիայի արտաքին գործերի նախարար Լիզ Թրուսը։ Այդ մասին գրում է Deutsche Welle-ն։

Բրիտանացի նախարարի խոսքով՝ «604 միլիարդ դոլարի արժութային պահուստների ավելի քան 60 տոկոսը» այլևս հասանելի չէ Մոսկվային։ Թրուսն ընդգծել է, որ «համակարգված պատժամիջոցները ռուսական տնտեսությունը հետ են շպրտում խորհրդային ժամանակաշրջան»։