«Երևանի մի հրապարակ և մի պողոտա կոչեք Արցախի անունով և հարցի լուծումը թողեք Նիկոլ Փաշինյանին»․ Ոսկան Սարգսյան

Լրագրող Ոսկան Սարգսյանը գրում է. «Այս լուսանկարն առավել քան խոսուն է, Ալիևը գոհունակ է, Նիկոլ Փաշինյանի վիճակն էլ չասեմ։ Երեկ Բրյուսելում տեղի է վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի եռակողմ հանդիպումը, որի արդյունքներով ձեռք է բերել պայմանավորվածություն՝ 2021թ. նոյեմբերի 26-ին Սոչիում ձեռք բերված համաձայնության համաձայն՝ մինչև ապրիլի վերջը ստեղծել Հայաստանի և Ադրբեջանի միջև սահմանների դելիմիտացիայի հարցերով երկկողմ հանձնաժողով, որն օժտված կլինի նաև սահմանի երկայնքով անվտանգություն և կայունություն ապահովելու հարցերով: Հայաստանի վարչապետը և Ադրբեջանի նախագահը արտաքին գործերի նախարարներին հանձնարարել են մեկնարկել երկու երկրների միջև խաղաղության բանակցությունների նախապատրաստական աշխատանքները:
Խաղաղության բանակցությունների համար համապատասխան մթնոլորտ, վստահության որոշակի մակարդակ և կայուն վիճակ է հարկավոր, որոնք այժմ չկան, Ադրբեջանն անընդհատ սադրանքների է դիմում Արցախում և Հայաստանի սահմանագոտում։ Սահմանների դելիմիտացիայի համար պաահանջվող քարտեզները Ռուսաստանի գլխավոր շտաբում են, հայտնի չէ, թե որ թվականի քարտեզներով է դելիմիտացիան արվելու։ Հայաստանի խորհրդարանկան ընդդիմությունը Երևանի Ֆրանսիայի հրապարակում Արցախի դրոշ է տեղադրել, նման դրոշներ է տեղադրելու Հայաստանի այլ քաղաքներում։ Երևանի մի հրապարակ և մի պողոտա կոչեք Արցախի անունով և հարցի լուծումը թողեք Նիկոլ Փաշինյանին, ով համաձայն իր «Երկրի հակառակ կողմը» գրքի, հողերը հանձնում է»։