«ՀՀ տարածքներ կան, որ գտնվում են Ադրբեջանի վերահսկողության ներքո և հակառակը». Փաշինյան

«Գիտեք, որ Հայաստանի Հանրապետության տարածքներ կան, որոնք գտնվում են Ադրբեջանի վերահսկողության ներքո, կան Ադրբեջանի տարածքներ, որոնք Հայաստանի վերահսկողության ներքո են ու այս հարցերը պետք է լուծվեն բանակցությունների արդյունքներով, բնականաբար, դե յուրե հիմնավորված արձանագրումների, իրավական նշանակություն ունեցող փաստերի հիման վրա»,- շարունակելով ելույթը՝ հայտարարեց ՀՀ վարչապետ Նիկոլ Փաշինյանը:

Հիշեցնենք՝ կառավարության նիստում վարչապետն ամփոփում է բրյուսելյան եռակողմ հանդիպման արդյունքները:

«Եթե ընդհանուր գնահատական տալու լինեմ հանդիպմանը, պիտի արձանագրեմ, որ երկու ուղղություններով առաջ գնալու համաձայնություն է ձեռք բերվել և հետագա գնահատականը կախված է համաձայնությունների գործնական կիրառման փուլում արձանագրվելիք արդյունքներից»,- ընդգծեց նա: