«Օդանավակայանում արգելում են ծխախոտի վաճառքը և մենաշնորհը տալիս են Duty free-ին». տնտեսվարող

Հանրային սննդի օբյեկտներում ծխելու արգելքի մասին քննարկման ժամանակ, օդանավակայանում գործունեություն ծավալող մի քանի տնտեսվարողների շահերը ներկայացնող քաղաքացին հայտարարեց, որ «Զվարթնոց»-ում արգելում են ծխախոտի վաճառքը և մենաշնորհը տալիս են Duty free-ին. «Մենք ունեինք 6-7 մանր տնտեսվարողներ, որոնք վաճառում էին ծխախոտ, օրենքի մի կետով արգելվում է օդանավակայանում վաճառել ծխախոտ, բայց, մի կարևոր բայց կա՝ բացառությամբ Duty free խանութի: Այսինքն՝ ոչ մի խնդիր չի լուծվում առողջապահության առումով. մի քանի տնտեսվարողից վերցվում է իրավունքն ու տրվում մեկին, այսինքն՝ մենաշնորհը տալիս են Duty free-ին»: