Ճապոնիան պատժամիջոցներ կսահմանի 400 ռուսաստանցիների և 20 կազմակերպությունների նկատմամբ

Ճապոնիայի իշխանությունները պատժամիջոցներ կսահմանեն ևս 400 ռուսաստանցիների և 20 կազմակերպությունների նկատմամբ, հայտարարել է վարչապետ Ֆումիո Կիսիդան: «Սահմանափակումների տակ կհայտնվեն ռազմական ոլորտին առնչվող շուրջ 20 կազմակերպություններ, այդ թվում՝ պետական, ինչպես նաև 400 ռուս զինվորականներ և պատգամավորներ»,- ասել է նա։ Պաշտոնյայի խոսքով՝ պատժամիջոցները կընդլայնվեն նաև ռուսական բանկերի, մասնավորապես՝ Сбербанк-ի և Альфа-банк-ի նկատմամբ:

Ավելի վաղ հայտնել էինք ՌԴ դեմ ԵՄ նոր պատժամիջոցների փաթեթի մասին: