Բայդենը ստորագրել է ռուսական նավթի ու գազի ներմուծումն արգելող օրենքը

ԱՄՆ նախագահ Ջո Բայդենը ստորագրել է օրենքներ, որոնք արգելում են էներգակիրների ներմուծումը Ռուսաստանից և դադարեցնում են առևտրային հարաբերությունները Ռուսաստանի և Բելառուսի հետ, հայտնում է Սպիտակ տան մամուլի ծառայությունը։

Բացի այդ, Բայդենը հրամանագիր է ստորագրել, որն արգելում է ԱՄՆ քաղաքացիների ցանկացած ներդրում Ռուսաստանում:

«ԱՄՆ ժողովուրդը ևս մեկ հզոր հարված կհասցնի Պուտինի ռազմամեքենային: Այս քայլով մենք Պուտինին էլ ավելի մեծ ցավ կպատճառենք»,- ավելի վաղ հայտարարել էր Բայդենը՝ անդրադառնալով սահմանափակումներին: