«Հայաստանի արդի իրավիճակը կրկնում է 1989-ի երկրորդ կեսի խմորումները». Հրանտ Խաչատրյան

ՍԻՄ նախկին նախագահ Հրանտ Խաչատրյանը գրել է. «ՀԱՅ ՔԱՂԱՔԱԿԱՆ ՄՏՔԻ ԱՐԴԻ ՆԵՐԿԱՊՆԱԿՈՒՄ ԲԱՑԱԿԱՅՈՒՄ Է ԵՐԻՏԱՍԱՐԴ ԱՎՅՈՒՆՈՎ ԼԻ, ՈԳՈՎ ԱՆԿԱԽ, ԷՈՒԹՅԱՄԲ ԱԶԳԱՅԻՆ ՄՈՎՍԵՍ ԳՈՐԳԻՍՅԱՆԻ ՎԱՌ ԿԵՐՊԱՐԸ (պատմությունը կրկնվում է):

Նոյեմբերի 6-ի ու 9-ի հանրահավաքները հաստատեցին այն մտավախությունս, որը փորձել եմ լիարժեք արձանագրել վերնագրում։

Պատմությունը կրկնվելու հատկություն ունի։ Հայաստանի ու հայության արդի իրավիճակը կրկնում է 1989 թվականի երկրորդ կեսի խմորումները, որոնք ավարտվեցին նոյեմբերի 9-ին՝ ազգային ուժերի աներևույթ պարտությամբ։ Մովսեսը թշնամու գնդակից զոհվեց զենքը ձեռքին, 1990թ․ հունվարի 19-ին՝ Հայաստանի Հանրապետության անկախությունը հռչակած խորհրդարանի ընտրություններից առաջ։

Մոսոն, ճակատագրական պահին հայտնվելով երկու քարի արանքում, սխալ ընտրություն կատարեց, որին հետևեց հայոց առաջատար, ազատատենչ հատվածը։

Նոր Հայաստանի երկունքից առաջ հայ ժողովուրդը պարտավոր է վերակենդանացնել իր Ազգային Հերոսի լիարժեք կերպարն ու գտնել այն մարմնավորող նոր ԴՐՈՇԱԿԱԿՐԻՆ»։