Կիևի մարզում ավելի քան 1200 դի է հայտնաբերվել

1487

Կիրակի, 10 ապրիլի, 2022 թ., 22:18

Կիևի մարզի այն քաղաքներում, որտեղից հեռացել են ռուս զինվորականները, արդեն հայտնաբերվել է ավելի քան 1200 դի, բրիտանական Sky News հեռուստաալիքին տված հարցազրույցում ասել է Ուկրաինայի գլխավոր դատախազ Իրինա Վենեդիկտովան։

«Ապրիլի 10-ի առավոտվա դրությամբ մենք հայտնաբերել ենք 1222 բնակչի դի... Սա միայն Կիևի մարզում է»,- ասել է նա։

BBC-ի ռուսական ծառայությունը նշում է, որ սա, հավանաբար, վերջնական ցուցանիշը չէ։ Ուկրաինայի ներքին գործերի նախարար Դենիս Մոնաստիրսկին հայտարարել է, որ միայն Բուխանսկի շրջանում զոհերի թիվը հաշվելու համար շաբաթներ կպահանջվեն։

Վենեդիկտովայի խոսքով՝ ուկրաինական իշխանությունները ռազմական հանցագործությունների կասկածանքով 5600 գործ են հարուցել. «Մենք տեսնում ենք ռազմական հանցագործություններ, մարդկության դեմ հանցագործություններ Ուկրաինայի բոլոր շրջաններում»։