«Պուտինի օրոք Ռուսաստանի հետ «նորմալ հարաբերություններն» անհնարին են». Գերմանիայի նախագահ

Նախագահ Վլադիմիր Պուտինի օրոք անհնար է վերադառնալ Ռուսաստանի հետ նորմալ հարաբերություններին, հայտարարել է Գերմանիայի նախագահ Ֆրանկ-Վալտեր Շտայնմայերը։

«Այս պատերազմը երկար ժամանակ կպահանջի մեր աջակցությունը, պաշտպանվելու մեր կարողությունը, բեռը կրելու մեր պատրաստակամությունը»,- ասել է Շտայնմայերը՝ կոչ անելով փաստաթղթավորել և հետաքննել Ուկրաինայում ռուսական ռազմական հանցագործությունները, մեղավորներին և նրանց, ովքեր քաղաքական պատասխանատվություն են կրել և պետք է պատասխանատվության ենթարկվեն։

Ավելի վաղ հայտնել էինք, որ Ուկրաինայի նախագահ Վլադիմիր Զելենսկին հայտարարել է, թե պատրաստ չէ ընդունել Գերմանիայի նախագահին, նրա՝ Ռուսաստանի հետ ունեցած սերտ հարաբերությունների պատճառով: