Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Երբ ծանոթանում էի բանակցային փաստաթղթերին, համոզվում էի, որ Սերժ Սարգսյանն ամենևին էլ չէր չափազանցնում»․ Փաշինյան

«Երբ ծանոթանում էի բանակցային փաստաթղթերին, համոզվում էի, որ Սերժ Սարգսյանն ամենևին էլ չէր չափազանցնում»․ Փաշինյան
862
Չորեքշաբթի, 13 ապրիլի, 2022 թ., 11:12

«Երբ ծանոթանում էի բանակցային փաստաթղթերին, համոզվում էի, որ Սերժ Սարգսյանն ամենևին էլ չէր չափազանցնում, երբ ասում էր, թե Հայաստանը պատրաստ էր թողնել 7 շրջանը, բայց ամեն անգամ Ադրբեջանը առաջ էր քաշում նորանոր պահանջներ և որ Ադրբեջանի ակնկալիքները անիրատեսական են և անընդունելի մեզ համար»,- այսօր՝ ԱԺ-ում հայտարարեց վարչապետ Նիկոլ Փաշինյանը:

«Ինքս ինձ չկարողացա համոզել նաև այն պատճառով, երբ հասկացա, որ Ռոբերտ Քոչարյանը ամենևին էլ չէր չափազանցնում, երբ հայտարարում էր, որ տարածքային ամբողջականության խնդիր Հայաստանը նույնպես ունի»,- նկատեց նա:

«Ինքս ինձ չկարողացա համոզել որովհետև դժվար էր համոզվել, որ 30 տարիների զրկանքների արդյունքում կարելի էր պարզապես հանձնել հաղթանակի պտուղներն ու դիմացը չստանալ ոչինչ։ Սա ընդունել, նշանակում էր խոստովանել, որ հռչակելով պետություն՝ մենք ստեղծել ենք ֆասադ և լիովին ու գլխովին ձախողել ենք պետության ինստիտուտցիոնալ կայացման գործը», - ասաց վարչապետը։