Reckitt Benckiser Group Plc-ը սկսել է Ռուսաստանում բիզնեսի սեփականության իրավունքը փոխանցելու գործընթաց

Դեղորայքի, կենցաղային քիմիկատների և այլ ապրանքների բրիտանական Reckitt Benckiser Group Plc ընկերությունը սկսել է Ռուսաստանում բիզնեսի սեփականության իրավունքը փոխանցելու գործընթացը: Այս մասին հայտնում է ընկերության մամուլի ծառայությունը։

«Reckitt-ն սկսել է իր ռուսական բիզնեսի սեփականության իրավունքը փոխանցելու գործընթաց, որը կարող է ներառել փոխանցում երրորդ կողմին կամ մեր տեղական աշխատակիցներին»,- ասվում է հաղորդագրությունում:

Ընկերությունը խոստացել է սերտորեն համագործակցել ռուս գործընկերների հետ տարբեր տարբերակների մանրամասների շուրջ, ինչպես նաև անել հնարավորը՝ «ցանկացած նոր կառույցում» նրանց մշտական ​​աշխատանքն ապահովելու համար։ Բացի այդ, Ռուսաստանում աշխատողները կշարունակեն աշխատավարձ և նպաստ ստանալ մինչև տարեվերջ։

«Այս գործողությունը հիմնված է Ռուսաստանում ներդրումները, գովազդը, հովանավորությունը և առաջմղումը սառեցնելու մեր՝ ավելի վաղ հայտարարված որոշման վրա»,- պարզաբանել են մամուլի ծառայությունում։