«Հայաստանը պարտավոր է հանդես գալ շատ ավելի ուժեղ դիրքերից». Վարդան Բալյան

Քաղաքական վերլուծաբան Վարդան Բալյանը ֆեյսբուքյան իր էջում գրել է. «Արցախի հարցում Հայաստանը պետք է բարձրացնի նշաձողը, ոչ թե իջեցնի, ինչպես համոզում է գործող վարչապետ Փաշինյանը, այլ, ընդհակառակը՝ բարձրացնի: Հայկական դիրքորոշումը պետք է լինի շատ հստակ՝ Արցախը որևէ կարգավիճակով չի կարող լինել հայատյաց ու ոչ ժողովրդավարական Ադրբեջանի կազմում, որտեղ բնիկ ժողովուրդների իրավունքները երաշխավորված չեն իրավա-սահմանադրական մակարդակում, որտեղ իրականացվում է ազգային փոքրամասնությունների թրքացման պետական քաղաքականություն, որտեղ խախտված են մարդու իրավունքները... Փաստեր, ապացույցներ, համապատասխան միջազգային զեկույց-գնահատականներ, որքան կուզեք:

Հայաստանը կարող է և պարտավոր է հանդես գալ շատ ավելի ուժեղ դիրքերից Արցախյան բանակցային գործընթացում նաև հիմա, երբ այս անգործունակ, անպիտան իշխանությունը մեզ համոզում է համաձայնել կապիտուլյացիայի ադրբեջանական պայմաններով:

Փաշինյանն ու իր թիմը պետք է հեռանան և ոչ միայն իրենք»: