«Ազովը» կարծում է, որ Մարիուպոլի ապաշրջափակումը հնարավոր է

«Ազովի» գունդը կարծում է, որ Մարիուպոլի շրջափակումը հնարավոր է, և իրենք սպասում են համապատասխան վճռական գործողությունների Ուկրաինայի ռազմաքաղաքական ղեկավարությունից, ասել է գնդի հրամանատարի տեղակալ Սվյատոսլավ Պալամարը «Ազատություն» ռադիոկայանին տված մեկնաբանությունում։

«Հույս ունենք, լավատեսորեն պայքարում ենք և սպասում ենք մեր ռազմաքաղաքական ղեկավարության վճռական գործողություններին՝ քաղաքի ապաշրջափակման, այս պատերազմում հաղթանակի հասնելու համար։ Մենք հավատում ենք, որ ապաշրջափակումը հնարավոր է»,- հույս է հայտնել Պալամարը:

Նրա խոսքով, փորձագետներից ու վերլուծաբաններից ոչ ոք չէր մտածում, որ Մարիուպոլի պաշտպանների խումբն այսքան ժամանակ կդիմանա, բայց դիմանում են։ Պալամարն ընդգծել է, որ Մարիուպոլի պաշտպանները քաջություն ունեն պաշտպանելու քաղաքը «այնքան, որքան անհրաժեշտ է»։