Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Դատապարտելի է, որ ոստիկանությունը խոչընդոտում է վրանների տեղադրմանը». Դանիել Իոաննիսյան

«Դատապարտելի է, որ ոստիկանությունը խոչընդոտում է վրանների տեղադրմանը». Դանիել Իոաննիսյան
227
Երկուշաբթի, 18 ապրիլի, 2022 թ., 14:36

ԻՔՄ ծրագրերի համակարգող Դանիել Իոաննիսյանը գրում է. «Դատապարտելի է այն, որ ոստիկանությունը խոչընդոտում է Ազատության հրապարակում ընդդիմության կողմից վրանների տեղադրմանը:

Մենք դա դատապարտում էինք հեղափոխությունից առաջ և դատապարտում ենք այժմ: Սահմանադրության 44-րդ հոդվածի համաձայն՝ յուրաքանչյուր ոք ունի խաղաղ հավաքներ անցկացնելու իրավունք: Հավաքը կարող է լինել տարբեր պարագաներով, այդ թվում՝ վրանով:

Ի վերջո, սահմանադրական ու կոնվենցիոն այդ իրավունքի ցանկացած սահմանափակում կարող է լինել միմիայն օրենքով՝ պետական անվտանգության, հանցագործությունների կանխման, հասարակական կարգի պաշտպանության, առողջության և բարոյականության կամ այլոց հիմնական իրավունքների և ազատությունների պաշտպանության նպատակով: Իսկ որևէ օրենքում չկա որևէ նորմ, որը կենթադրի, որ Ազատութայան հրապարակում չի կարելի վրան տեղադրել (առավելևս, երբ այդ վրանը որևէ մեկին չի խանգարում):

Շատ կարևոր է, որ որևէ քաղաքական ուժի նկատմամբ ոստիկանության պահվածքը պայմանավորված չլինի այդ քաղաքական ուժի նկատմամբ իշխանությունների կամ ոստիկանության պաշտոնյաների վերաբերմունքով»:

Աղբյուրը`   Դանիել Իոաննիսյան