Արմեն Գևորգյանը կմեկնի Ստրասբուրգ․ դատարանը բավարարեց միջնորդությունը

Դատարանը բավարարեց «Հայաստան» խմբակցության պատգամավոր Արմեն Գևորգյանի՝ երկրից ժամանակավորապես բացակայելու վերաբերյալ միջնորդությունը։

«Դատարանը գնահատում է այն հիմնավորումը, որը տրված է Արմեն Գևորգյանի՝ ՀՀ-ից մեկնելու հիմնավորման հիմքում, հատկապես կարևորում է այն հարցը, որ Արմեն Գևորգյանը պատրաստվում է ԵԽԽՎ լիագումար նստաշրջանում ելույթներ ունենալ և այդ ելույթների շրջանակում բարձրաձայնել արցախյան հակամարտությանը վերաբերող հարցերը․ այդպիսի հարցեր բարձրացնել ներկայիս իրավիճակում դատարանը գտնում է արդիական։ Ուստի դատարանը, չնայած Արմեն Գևորգյանի չվերադառնալու որոշակի հավանականության առակայությանը, տվյալ իրադրությունում նպատակահարմար է գտնում թույլատրել Արմեն Գևորգյանին ժամանակավորապես բացակայել ՀՀ-ից»,- հայտարարեց դատավոր Աննա Դանիբեկյանը։