«Լավ չէ՞ր լինի՝ Արցախի ԱԺ-ը պատերազմի հանգամանքները քննող մի հանձնաժողով ստեղծեր». Վ. Աթանեսյան

Քաղաքական վերլուծաբան Վահրամ Աթանեսյանի գրառումը․ «Արցախի հայության հույզերը ձևակերպեցին և ներկայացրին հասցեատիրոջը՝ բարի։ Սպասենք արձագանքի։ Բայց լավ չէ՞ր լինի, որ Արցախի Ազգային ժողովը քառասունչորսօրյա պատերազմի հանգամանքները քննող մի հանձնաժողով ստեղծեր և փորձեր պարզել, թե ինչ, ինչպես, ինչու և ում պատասխանատվությամբ է տեղի ունեցել 2020թ․ սեպտեմբերի 27-ի 7:15-ից մինչև նոյեմբերի 10-ի 00 ժամը։ Ի վերջո, պատերազմն սկսվել, ծավալվել և դադարել է Արցախի տարածքում, ՊԲ պատասխանատվության գոտում, ՊԲ, զորամիավորումների, ստորաբաժանումների հրամանատարների եթե ոչ մեծամասնությունը, ապա զգալի մասը արցախցի է։ Նրանք, Արցախի ռազմա-քաղաքական էլիտան, ուժային կառույցների, իրավապահ համակարգի ղեկավարները պատերազմի հանգամանքների հետ կապված գոնե Ազգային ժողովի պատգամավորներին ասելիք չունե՞ն։ ԱԺ պատգամավորներին նման հարցերը չե՞ն հուզում, պարզաբանումներ չե՞ն ուզում ստանալ։ Թե բավական է ասել «Նի-կոլ դավա-ճան»՝ ու ամեն ինչ իր տե՞ղն է ընկնում»։