Իտալացիները շքեղ զբոսանավեր կվաճառեն ադրբեջանցիներին

Մինչդեռ ռուս օլիգարխներին պատկանող տասնյակ միլիարդավոր դոլարների շքեղ զբոսանավերը զանգվածաբար բռնագրավվում են եվրոպական նավահանգիստներում, իտալական մի ընկերություն Մոնակոյի գործընկերների հետ պայմանագիր է կնքել հարուստ ադրբեջանցիներին շքեղ զբոսանավեր վաճառելու համար։

Ըստ իտալական լրատվամիջոցների՝ գերշքեղ զբոսանավեր կառուցող Italian Sea Group-ը նավեր է վաճառելու Ադրբեջանում, Թուրքիայում և Եգիպտոսում՝ Մոնակոյի TWW Yachts բրոքերային ընկերության հետ կնքված պայմանագրի հիման վրա։ «Այս երկրներն ունեն չօգտագործված պոտենցիալ», - ասել է իտալական Sea Group-ի փոխնախագահ Ջուզեպպե Տարանտոն:

Որպես այս համաձայնագրի մաս՝ TWW Yachts-ը կօգտագործի վիրտուալ հարթակ Ադրբեջանում, Թուրքիայում և Եգիպտոսում՝ իտալական Admiral և Tecnomar ապրանքանիշերի առաջխաղացման շրջանակներում իր զբոսանավերը 360 աստիճան ներկայացնելու համար: Հաճախորդների սիրելի վիրտուալ նմուշներն այնուհետև կկառուցվեն բացառիկ պատվերների հիման վրա: