«Հայ ուսանողը միշտ պահանջատեր է լինելու». իրազեկման ակցիա՝ Ագրարային համալսարանում

Ինչպես տեղեկացրել ենք՝ երիտասարդները բողոքի ակցիա են իրականացնում մայրաքաղաքի ուսումնական հաստատությունների դիմաց՝ կոչ անելով ուսանողներին միանալ իրենց: Քիչ առաջ վերջինները փորձեցին մուտք գործել Ազգային ագրարային համալսարան, սակայն բուհի աշխատակիցները թույլ չտվեցին՝ ասելով, որ խաթարում են դասապրոցեսը:

Մուտքի մոտ հավաքված ակտիվիստները բղավում են՝ «ուսանո՛ղ ոտքի»: Նրանց, ի վերջո, հաջողվեց ներս մտնել շենք և իրազեկման ակցիա իրականացնել:

«Արցախը երբեք չի լինելու Ադրբեջանի կազմում, հայ ուսանողը երբեք չի կարող հաշտվել այդ փաստի հետ, նա միշտ պահանջատեր է լինելու»,- հայտարարեցին ակտիվիստները: