«Կարճ ժամանակ անց հայ ժողովուրդը կապացուցի, որ Նիկոլը մանդատ չունի, լեգիտիմ չէ»․ Ի․ Սաղաթելյան

«Եթե իրենց թվում է, թե հայ ժողովրդին այլևս հետաքրքիր չէ Արցախը, կարող են երկիրը տանել նոր զիջումների ու մարսել, անցնող մեկ շաբաթվա ընթացքում հայ ժողովուրդը ցույց տվեց, որ դա հնարավոր չէ և դա չի ընդունում»,- հրավիրած մամուլի ասուլիսի ժամանակ ասաց ՀՅԴ ԳՄ ներկայացուցիչ, ԱԺ փոխխոսնակ Իշխան Սաղաթելյանը։

«Կարճ ժամանակ անց հայ ժողովուրդը կապացուցի, որ Նիկոլը մանդատ չունի, լեգիտիմ չէ, հերթական անգամ խաբել է մեր ժողովրդին և պետք է հեռանա։ Դա անելու ենք հանրային լայն ժողովրդական ճնշման տակ, և այդ պրոցեսն արդեն սկսված է»,-ասաց Սաղաթելյանը։