Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Հայաստանն ու քաղաքական պատասխանատու միտքը շարունակում են չգտնել միմյանց». Հակոբ Բադալյան

«Հայաստանն ու քաղաքական պատասխանատու միտքը շարունակում են չգտնել միմյանց». Հակոբ Բադալյան
276
Հինգշաբթի, 05 մայիսի, 2022 թ., 02:12

Քաղաքական մեկնաբան Հակոբ Բադալյանի գրառումը. ««Փաշինյանն Արցախը հանձնելու թուղթ է ստորագրելու»: Սա հայտարարություն է քաղաքական մի թևից: Փաշինյանի դիմաց Մոսկվայում ստորագրելու մի վատ թուղթ են դրել, այսպես ասած՝ «լուկաշենկոյանման», որը չի ստորագրել ու դրա համար էն 30 կետանոց «ստից» հայտարարությունն է եղել, ու...

Սա էլ մեկ այլ քաղաքական ուղղությունից եկող հայտարարություն է: Երկու դեպքում չկա ոչ միայն փաստ, այլ նաև որոշակիորեն հիմնավոր փաստարկ, այլ իրականում, թերևս, ընդամենը համոզում, որ դրանք բավականին լայն սպառման հայտարարություններ են: Ընդ որում, գուցե նրանցից որևէ մեկը ճիշտ է, կամ անգամ երկուսն էլ ճիշտ են, չգիտեմ: Բայց հարցը ճիշտն ու սխալը չէ, այլ հանրության հետ հաղորդակցության պատասխանատվության մշակույթը կամ դրա բացակայությունը: Որովհետև, ճշմարտության, թե ենթադրության հանրային ՕԳԳ-ն, որակական ազդեցությունը հասարակական-քաղաքական գործընթացների վրա կախված է հենց պատասխանատվության մշակույթի աստիճանից:

Եվ սա մի օրինակ է, իսկ այդպիսիք բազմաթիվ են, ընդ որում, ամենաքիչը տասնամյակ շարունակ:

Բնականաբար, հայտարարություններից յուրաքանչյուրը գտնում է իր թե՛ ծափահարող հազարավորներին, թե՛ կոշտ քննադատող հազարավորներին:

Իսկ Հայաստանն ու քաղաքական պատասխանատու միտքն ու բովանդակությունը շարունակում են չգտնել միմյանց: Ընդ որում, հարց է՝ փնտրո՞ւմ են, թե՞ ոչ»:

Աղբյուրը`   Հակոբ Բադալյան