«Հաղթանակը դարձավ պարտության ամենահիմնարար պատճառը». Արման Բաբաջանյան

ԱԺ նախկին պատգամավոր Արման Բաբաջանյանի գրառումը. «Մեր մեծ հաղթանակը պարտվեց, որովհետև հաղթանակի ճանապարհին գլուխ բարձրացրեց գողապետությունը՝ զանազան խոշոր ու մանր թալանչի պարազիտ և կոռուպցիոներ պաշտոնյաներով։
Հենց Հաղթանակը դարձավ պարտության ամենահիմնարար պատճառը։ Հակառակը լինելու փոխարեն հենց հաղթանակը դարձրինք պետությունը քվազիպետության վերածելու, քրեաօլիգարխիան պետականության հիմքում ներդնելու ամենամեծ հիմնավորումը, երբ հաղթանակի հերոսներն ինչ ասես արեցին պետության և մեծ հաղթանակի հետ։

Մայիսի 9-ը, իհարկե, իր հետպատերազմյան ցավագին երանգներով հանդերձ, շարունակում է լինել Հաղթանակի օր, որի առարկայականությունը կախված է ոչ թե պատերազմի հետևանքից կամ արդյունքից, այլ մեր հանրային, պետական մտածողությունից և ընթացքի որակներից՝ ձևավորելով ժամանակի ու տարածության մեջ այն էներգետիկ շղթան, որ ցավագին պարտություններից հետո անգամ լիցքավորում է գալիք հաղթանակները»: