«Նիկոլ Փաշինյանը արևմտյան դեսպանների հետ է փորձում «դաբրո ստանալ»»․ Արմեն Աշոտյան

«Իմ ունեցած տեղեկություններով նրանք մայիսին ոստիկաններին խոստացել են կրկնակի պարգևավճար, կհետևեք, տեսնեք՝ ստացե՞լ են, թե՞ ոչ՝ ընդդիմությանը ճնշելու համար»,- Ֆրանսիայի հրապարակում անդրադառնալով ոստիկանների գործողություններին, ասաց ՀՀԿ փոխնախագահ Արմեն Աշոտյանը։

«Իմ ունեցած տեղեկություններով Նիկոլ Փաշինյանը նաև արևմտյան դեսպանների հետ է փորձում «դաբրո ստանալ», որ ժողովրդի նկատմամբ վերջնական ուժ կիրառի»,- ասաց նա։

«Ուզում եմ կրկնել, որ եթե ևս մեկ անգամ ցուցարարների նկատմամբ եղավ բիրտ ուժի կիրառում, ինչպես եղավ մի քանի օր առաջ, երբ դեսպանատները «բերնի ծերով» ինչ-որ մի բան հազիվ ասեցին, եթե նրանք հիմա էլ կոչ չարեցին Նիկոլ Փաշինյանին՝ զերծ մնալ ուժի կիրառումից և սադրանքներից, ապա այդ բոլոր կառույցները դառնում են մեղսակից կատարվելիքին»,- ասաց Ա․ Աշոտյանը։