«Պետական կառավարման համակարգը պետք է կանգնեցնենք»․ Իշխան Սաղաթելյանը՝ վաղվա անելիքների մասին

Ֆրանսիայի հրապարակում՝ ամփոփելով հանրահավաքը ՀՅԴ-ական ընդդիմադիր գործիչ Իշխան Սաղաթելյանն ասաց․ «Եթե այնքան մարդ, որքան մասնակցեց այսօրվա երթին, վաղը դուրս գա փողոց՝ կոնկրետ անհնազանդության ակցիաներ անելու, ձեզ վստահեցնում եմ՝ հաշված օրերի ընթացքում հեռացնելու ենք»։

«Նախ՝ հայտարարում ենք դասադուլ և գործադուլ, և յուրաքանչյուրդ ձեզ հետ փողոց եք բերում ևս մեկ քաղաքացի»,- ասաց նա՝ շարունակելով․ «Պետական կառավարման համակարգը պետք է կանգնեցնենք։ Անհարժեշտության դեպքում, եթե կարողանանք շրջափակենք պետական կառավարական շենքերը, մենք վերջնականապես ծնկի ենք բերելու»։

Ներկայացնելով վաղվա գործողությունները՝ Սաղաթելյանն ասաց․ «Վաղը՝ ժամը 12-ին, 4 ուղղություններով սկսում ենք անհնազանդության երթեր և ակցիաներ։ Այդ երթերի ընթացքում լինելու են անհնազանդության ակցիաներ, արգելափակվելու են ճանապարհները։ Մի երթը Գայի պողոտա՝ Մեգամոլի դիմաց, երկրորդը՝ Րաֆֆու փողոց՝ Անդրանիկի արձանի դիմաց, երրորդը՝ 15 թաղամաս՝ Չաուշի արձանի մոտից, 4-րդը՝ Սասունցի Դավիթ արձանի մոտից»: