«Երեկ 4-5 փողոց եղել է, որ փակենք, ու երկար պահել ենք․ տեղ է եղել՝ մինչև մի ժամ»․ Լևոն Քոչարյան

«Միանշանակ, մենք դա զգում ենք՝ ամեն օր փողոց դուրս գալով»,- այսօր՝ անհնազանդության երթի ընթացքում, ի պատասխան լրագրողի հարցին, թե արդյոք հանրությունն ավելի շատ է սկսել արձագանքել ընդդիմության ակցիաներին, ասաց «Հայաստան» խմբակցության պատգամավոր Լևոն Քոչարյանը

«Օրինակ՝ երեկ մենք 4-5 փողոց եղել ա, որ փակենք, ու բավական երկար պահել ենք․ տեղ ա եղել՝ մինչև մի ժամ, տեղ ա եղել՝ կես ժամ, քսան րոպե»,- նշեց նա։

«Ամենայն անկեղծությամբ կոնկրետ երեկ ոչ մի դեպք չենք ունեցել մեր ուղղությունների վրա, որ ինչ-որ վարորդի, քաղաքացու հետ խնդիր ունենանք, ու սա արդեն իրանն ասում ա»,- հավելեց Քոչարյանը։