«Չեռնոգորիայի նախագահին հետնամուտքով կարողացել են մտցնել Կառավարության շենք»․ Սաղաթելյան

«Քիչ առաջ տեղեկացանք, որ Չեռնոգորիայի նախագահին՝ հետևի ինչ-որ գարաժների մուտքով կարողացել են մտցնել Կառավարության շենք»,- հայտարարեց ՀՅԴ ԳՄ ներկայացուցիչ Իշխան Սաղաթելյանը։

«Հասկանո՞ւմ եք ինչ օրի են հասել․ խախտելով արարողակարգային բոլոր ձևերը՝ գարաժներով, հետնամուտքով ընդունում են այլ երկրի նախագահին։ Դու հյուր ընդունել էլ չգիտես»,- դիմելով Ն․ Փաշինյանին, ասաց Սաղաթելյանը։

Նա երթի մասնակիցներին առաջարկեց շարժվել դեպի Ֆրանսիայի հրապարակ, որտեղ էլ տեղի կունենա «Դիմադրություն» շարժման հանրահավաքը։