«Քիչ ժամանակ է մնացել, երբ վերջ կտանք այս ամեն ինչին»․ Էդգար Ղազարյան

ՍԴ աշխատակազմի նախկին ղեկավար Էդգար Ղազարյանը ֆեյսբուքյան իր էջում գրել է․ «Մենք ապրում ենք մի երկրում, որտեղ առանց որևէ իրավական հիմքի, անօրինական ճանապարհով ձեռք բերված և տարածված աղճատված տեղեկատվության և կեղտոտ բանսարկու թոռնիկի ցուցմունքով, դեռևս անազատության մեջ է գտնվում Ավետիք Չալաբյանին նման օրինապաշտ, բարեպաշտ և առաքինի մտավորականը, իսկ ազատության մեջ են գտնվում
- հայրենիքի գող Նիկոլ Փաշինյանը,
- պատերազմի նրա հանցակիցները,
- իշխանությունը զավթած ՔՊ-ական ողջ խունտան՝ իր լուսավոր և բարգավաճ արբանյակներով,
- հղի կնոջը սպանած ոստիկանը,
- Նիկոլ Փաշինյանի թիկնազորի պետը,
- քաղաքացիների առևանգող և բռնություններ գործադրող, մարդկանց վրա թքող ոստիկանները,
- կոռուպցիոն հանցագործները,
- և այլն, և այլն, և այլն...
Կարծում եմ՝ քիչ ժամանակ է մնացել, երբ մենք վերջ կտանք այս ամեն ինչին և կապրենք Ավետիք Չալաբյանի պատկերացումներով երկրում։
Հ.Գ. Մայիսի 31-ին, ժամը 13.30-ին Վերաքննիչ դատարանը պետք է քննության առնի Ավետիք Չալաբյանի կալանքի մասին որոշման հարցը։
Ազատություն քաղբանտարկյալ Ավետիք Չալաբյանին, ազատություն բոլոր քաղբանտարկյալներին, անազատություն՝ բոլոր իրական հանցագործներին»։