«Ընդդիմությունը տենց էլ չի կողմնորոշվում՝ ում մոտ ինչ հարցով գնա»․ Սանոսյան

«Ընդդիմությունը տենց էլ չի կողմնորոշվում՝ ում մոտ, ինչ հարցով գնա»,- այսօր՝ լրագրողների հետ ճեպազրույցում անդրադառնալով ընդդիմության գործողություններին, մասնավորապես Արցախի վերաբերյալ իշխանության կողմից կողմնորոշում հայտնելու նրանց պահանջին, ասաց ՏԿԵ նախարար Գնել Սանոսյանը:

«Եկել են մեր շենք՝ ումի՞ց ինչ հարցնեն։ Մեր շենքում առողջապահության նախարարությունն է, սոցապ նախարարությունն է, շրջակա միջավայրի նախարարությունն է»,- նկատեց Սանոսյանը։

«Թող գան, քարտեզները փռենք, իրար հետ աշխատենք, թե որտեղ ենք ասֆալտ անում, որտեղ ենք ջրագիծ փոխում, ջրամբարներն ուր հասան: Թող գան, աշխատենք, թե չէ, ժողովո՛ւրդ ջան, կլինի՞, որ, օրինակ, մենք իրար հետ գնանք ինչ-որ Վարդուշի տանը հարցազրույց անենք, չի լինի, չէ՞: Ամեն նախարարություն պետք է գնալ այն հարցերով, որն առնչվում է այդ նախարարությանը, մեր նախարարություն գալիս են Արցախի հարցով, որ ի՞նչ անեն»,-նշեց նախարարը: