«44-օրյա պատերազմում զոհվածներն անհամեմատ ավելի շատ էին, քան վիրավորները. ինչո՞ւ». Ալեքսանյան

Վերլուծաբան Թորոս Ալեքսանյանի գրառումը․ «Զելենսկին հայտնել է, որ Ուկրաինայի բանակն օրական կորցնում է միջինը 60-ից 100 հոգի մահացած և մոտ 500 հոգի վիրավոր, դա նշանակում է, որ ուկրաինական բանակի ընդհանուր կորուստները (մահացած և վիրավոր) այս 3 ամիսների ընթացքում կազմել է մոտ 50 հազար հոգի: Ռուսական բանակի կորուսնտները (մահացած և վիրավոր) գնահատվում են մոտավորապես 30 հազար հոգի:
Եթե հաշվի առնենք այն հանգամանքը, որ Ուկրաինան կարողացել էր մոբիլիզացնել 250 հազարանոց բանակ ու դեռ շարունակում է մոբիլիզացնել, իսկ ռուսական կոնտինգենտը, որը ներխուժեց Ուկրաինա, չէր ձգում 200 հազարը, և գումարած դրան ռուսները մոբիլիզացին (մասնակի) բավականին ուշ սկսեցին, ապա կարող ենք ասել, որ ուկրաինական բանակը քանակական առավելություն ունի ռուսականի նկատմամբ, սակայն զենք զինամթերքի առումով լրջորեն զիջում է ռուսականին, բայց հույս կա, որ արևմտյան երկրների մատակարարումների շնորհիվ մոտ 2 ամիս հետո իրավիճակը կարող է փոխվել հօգուտ ուկրաինական բանակի:
Ինչո՞ւ եմ այս ամենի մասին գրում, հարցն այն է, որ և՛ ուկրաինական բանակում, և՛ ռուսական բանակում վիրավորների թիվը մոտավորապես 5 անգամ ավել է զոհվածների թվից, մի բան, որը չտեսանք հայկական բանակի պարագայում 44 օրյա պատերազմի ժամանակ, մեր բանակի դեպքում ուղիղ հակառակ վիճակն էր՝ զոհվածները անհամեմատ ավելի շատ էին, քան վիրավորները. իսկ ինչու՞ էր այդպես, կարող ենք ենթադրել, որ մեր զինվորների մեծ մասը բրոնիժիլետներ ու նորմալ կասկեք չեն ունեցել, այլապես այդպիս վիճակ չէր լինի, ըստ իս: Մի գուցե սխալվո՞ւմ եմ, կարճ ասած՝ թող ռազմական փորձագետները պատասխանեն այս հարցին, կոնկրետ ինձ այս հարցը շատ է հետաքրքրում»: