«Հայաստանն այսօր վերջին պատնեշն է ընդդեմ թուրանական երազանքի». քաղաքագետ

Քաղաքագետ Արա Պողոսյանի գրառումը. «Եթե Ռուսաստանն իրեն վերջնականապես թափ չտա, և որպես Բյուզանդիայի քաղաքակրթական իրավահաջորդ, դասեր չքաղի Բյուզանդիայի սխալներից, հավանաբար ոչ հեռավոր ապագայում մենք կտեսնենք «1453 մայիսի 29»-ը։ Այո՛, Հայաստանն այսօր վերջին կայազորն է, վերջին պատնեշը ընդդեմ թուրանական երազանքի... Իսկ 1071 թվականն արդեն իսկ իրականություն է Արցախյան վերջին ռազմական գործողություններից և հայկական բանակի թուլացումից հետո։
Ռուսաստանի ռազմավարական պարտությունը կհանգեցնի նոր ու ավելի դաժան հակամարտությունների, որն իհարկե, ընդհանրապես հետաքրքիր չէ Արեւմուտքին, քանզի վերջինս առաջնորդվում է կառավարելի քաոսի հայեցակարգով»։