«Խաչատուրովը նույնիսկ գնդակահարության պատի տակ դա չի ասի»․ Աթանեսյան

Քաղաքական վերլուծաբան Վահրամ Աթանեսյանի գրառումը․ «Երեկ ԶՈՒ ԳՇ նախկին պետ գեներալ-գնդապետ Յուրի Խաչատուրովը պատմեց, որ ՊՆ ռազմական կոլեգիայի նիստում միաձայն «Արցախը Ադրբեջանի կազմում լինելու» տարբերակը մերժելուց հետո Վազգեն Սարգսյանն ասել է․ «Հիմա ես գիտեմ՝ ինչ պիտի անեմ և երկու ժամ անց նախագահը հրաժարական տվեց»։ Խաչատուրովի ասածից մի հարց է ծագում․ իսկ ինչու՞ Նիկոլ Փաշինյանի հրաժարականի պահանջով ԶՈՒ ԳՇ բաց հայտարարությունը, ի տարբերություն ՊՆ ռազմական կոլեգիայի 1998թ․ փետրվարի 3-ի որոշման, չաշխատեց։ Փաշինյանին ո՞վ պահեց։ Եթե գեներալ Խաչատուրովն այս հարցին պատասխանի, ապա պարզ կդառնա, թե իրականում ով է հեռացրել Լևոն Տեր-Պետրոսյանին։ Բայց Խաչատուրովը նույնիսկ գնդակահարության պատի տակ դա չի ասի։ Որովհետև բացահայտումը 1998թ․ իշխանափոխության դերակատարներին մի վայրկյանում ասպետության պատվանդանից կիջեցնի, կվերածի շարքային գործակալների»։