«Դուք դա չե՛ք մարսելու»․ Հայկ Մամիջանյան

«Դիմում եմ Հայաստանում ԵՄ դեսպանին․ Տիկի՛ն դեսպան, Դուք տևական ժամանակ անհասկանալի լռություն եք ցույց տալիս, բայց ամսի 3-ին այն հրեշավոր վայրագությունները, որ իրականացվեցին ժողովրդի դեմ, տեղի են ունեցել ԵՄ դեսպանատան դռան դիմաց»,- Ֆրանսիայի հրապարակում հանրահավաքի ժամանակ ասաց «Պատիվ ունեմ» խմբակցության պատգամավոր Հայկ Մամիջանյանը։

«Դուք չեք կարող ասել՝ մենք դա չտեսանք, որովհետև Ձեր կամերաներն են նույնիսկ ֆիքսել։ Ես չգիտեմ՝ երբ է ավարտվելու Ձեր առաքելությունը․ իմ տեղեկություններով՝ շատ շուտ և Դուք հավերժ մնալու ենք այն ԵՄ պաշտոնյան Հայաստանում, որի դռան մոտ քաղաքացի էին ծեծում, որի դռան մոտ քաղաքացու վրա կրակում էին, ու Դուք լուռ եք մնացել այդ ժամանակ, ու Դուք դա չե՛ք մարսելու»,- ասաց Մամիջանյանը։