Ջալալ Հարությունյանին մոտ 20 անգամ հրավիրել են հարցաքննության. «Ժողովուրդ»

448

Երեքշաբթի, 07 հունիսի, 2022 թ., 09:18

«Ժողովուրդ» օրաթերթը գրում է. ««Ժողովուրդ» օրաթերթին հայտնի դարձավ, որ ուշագրավ իրավիճակ է ստեղծվել ՀՀ քննչական կոմիտեի զինվորական քննչական գլխավոր վարչության հատկապես կարևոր գործերի քննության վարչությունում: Մասնավորապես, նախաքննական մարմինն ակտիվ կերպով հարցաքննության է հրավիրում Զինված ուժերի պաշտոնատար անձանց:

Տեղեկացանք, որ օրերս հարցաքննության են հրավիրվել ՀՀ ԶՈւ գլխավոր շտաբի նախկին պետ Օնիկ Գասպարյանը և ՊԲ նախկին հրամանատար Ջալալ Հարությունյանը, ինչպես նաև ԶՈՒ գլխավոր շտաբի նախկին այլ պաշտոնյաներ:

Ավելին՝ մեզ հասած տեղեկությունների համաձայն՝ նախաքննական մարմինը նաև «Երևան-Կենտրոն» ՔԿՀ-ից զինվորական քննչական կտեղափոխի պաշտպանության նախկին նախարար Դավիթ Տոնոյանին՝ դարձյալ հարցաքննության: Մեզ հասած տեղեկությունների համաձայն՝ նրան նախաքննական մարմինը հարցաքննելու է պատերազմի հետևանքով հարուցված քրեական գործերի շրջանակում:

Ի դեպ, «Ժողովուրդ» օրաթերթի բացառիկ տեղեկությունների համաձայն՝ Ջալալ Հարությունյանն արդեն մոտ 20 անգամ հրավիրվել է նախաքննական մարմին՝ հարցաքննության, իսկ Օնիկ Գասպարյանը մոտ 10 անգամ է հրավիրվել հարցաքննության: Առաջիկայում ուշագրավ բացահայտումներ ու կալանավորումներ են սպասվում»:

Ամբողջական հոդվածը՝ թերթի համարում: