«Մտածել, թե Իրանը ոչ մի կերպ թույլ չի տա «զանգեզուրյան միջանցք», վտանգավոր մոլորություն է»․ Հ․ Բադալյան

Քաղաքական մեկնաբան Հակոբ Բադալյանի գրառումը. «Իրանական լրատվամիջոցները հայտնում են Հեղափոխության պահապանների կորպուսի ռազմաօդային ուժերի մի սպայի մահվան մասին, և մի գիտնականի՝ արբանյակների և բալիստիկ հրթիռների մշակման ընկերության աշխատակից:
Փաստացի, սա շարունակությունն է «շղթայի»՝ Իրանի ռազմական և գիտական այն շրջանակների ներկայացուցիչների, որոնք այս կամ այն կերպ առնչվում են միջուկային սպառազինության ստեղծման հնարավոր գործընթացի:
Ընդ որում, չեմ բացառում, որ այդ «խորհրդավոր» մահերը որոշ դեպքերում լինելով իսրայելական հատուկ ծառայությունների գործը, որոշներում էլ կարող են լինել գուցե հենց իրանյան անվտանգության ծառայությունների ձեռքի գործ: Բոլոր դեպքերում, երևույթն արդեն իսկ խոսում է իրանական անվտանգության համակարգի կենսունակության ու կարողությունների մասին: Եվ այդ իրավիճակում մտածել, թե Իրանը ոչ մի կերպ թույլ չի տա «զանգեզուրյան միջանցք», թերևս վտանգավոր մոլորություն է, եթե չունի էլ որևէ հետին նպատակ:
Իրանն, իհարկե, որևէ կերպ չի կարող ընդունել այդ «միջանցքի» այն պատկերացումը, որ ունեն Թուրքիան և Ադրբեջանը, բայց միայնակ կանխել դա, բացարձակապես անզօր է: Դա կարող է անել որևէ այլ ուժային կենտրոնի հետ: Որը՞ կլինի դա, արդեն բավականին անորոշ հարց է և կախված է, իհարկե, թե Իրանի շուրջ, թե, լայն իմաստով, ուժերի հարաբերակցության պայքարից և դրանում անշուշտ Իրանի դիրքավորումից և «ընտրությունից»»: