«Կարճ ասած՝ ինչ ենք անում». Սաղաթելյանը ներկայացրեց հետագա անելիքները

Ֆրանսիայի հրապարակում ընթացող հանրահավաքի ժամանակ Իշխան Սաղաթելյանը թվարկեց հետագա անելիքները. «Թիրախային հստակ, պլանավորված քայլերով ու գործողություններով պայքարը շարունակելու ենք: Այս առումով մեր առաջիկա անելիքներն ու գործնական քայլերը միտված են լինելու հետևյալին:
1. Ամենշաբաթյա միջոցառումներ, փողոցային ակցիաներ, ոլորտային ու թեմատիկ խնդիրների մասնագիտական քննարկումներ, ժողովրդային հանդիպումներ: Շաբաթական նվազագույնը՝ հանրահավաք, երթ և փողոցային ակցիաներ:

2. Շարժման տարածքային ստորաբաժանումների ձևավորում, այդ թվում՝ Արցախում և Սփյուռքում
3. Հանրության լայն շերտերի՝ գիտական, կրթական, հոգևոր, մշակութային, գյուղացիական, բիզնես շրջանակների հետ հետևողական աշխատանք:

4.Հստակ կչափորոշիչների վրա հիմնված կադրային բանկի ձևավորում:
5. Մարզերում շարժման կոորդինացիոն խորհուրդների և կոմիտեների ձևավորում:
6. Հայաստանում հավատարմագրված դիվանագիտական և միջազգայն կազմակերպությունների հետ աշխատանք:

7. Ապօրինաբար կալանավորված շարժման մասնակիցների իրավունքների պաշտպանությանն ուղղված հեռևողական աշխատանք:

Կարճ ասած՝ ինչ ենք անում: Փողոցային պայքարը շարունակվում է ինտենսիվության որոշակի փոփոխությունների ենթարկվելով: Զուգահեռ քայլեր ենք ձենարկում ամբողջ Հայաստանում, Արցախում և Սփյուռքում շարժումն ընդլայնելու ուղղությամբ:

Այս ամենին զուգահեռ պետք է պատրաստ լինել, որ առաջիկայում կարող են տեղի ունենալ վճռորոշ իրադարձություններ և շարժումը պետք է արագ վերադառնա 24-ժամյա ռեժիմին»: