«Ինչպե՞ս եղավ՝ 2018 թ-ին ընտրվեց վարչապետ, հաջորդ օրն ուղղաթիռով մեկնեց Արցախ, Ադրբեջանը լուռ մնաց»․ Գեղամ Մանուկյան

«Արցախի հարցով Փաշինյանի չորս տարվա ասածները լուրջ դիսերտացիայի նյութ են և՛ հոգեբույժների, և՛ քաղաքագետների համար»,- լրագրողների հետ զրույցում ասաց «Հայաստան» խմբակցության պատգամավոր Գեղամ Մանուկյանը։

«եթե ասում է, որ բանակցվել է Արցախն Ադրբեջանի կազմում թողնելու մասին, կարող եք պատասխանել՝ ինչպե՞ս եղավ, որ 2018 թվականի մայիսին ընտրվեց վարչապետ, հաջորդ օրը ուղղաթիռով մեկնեց Արցախ, Ադրբեջանը լուռ մնաց, իր համար Արցախը Հայաստան էր․․․ բա ո՞նց եղավ, որ Ալիևը չասաց՝ դու իրավունք չունես քո տղային ուղարկելու Արցախի ՊԲ ծառայելու, որովհետև քեզնից առաջ բոլորը խոսել են, որ Արցախը Արդբեջանի կազմում է լինելու։ Ինչպե՞ս եղավ, որ ուղղաթիռը չժանգոտելու համար շաբաթը մեկ ինքն ու իր տիկինը թռնում էին Արցախ, ու որևէ Ադրբեջանի պաշտոնյա ձայն չէր հանում, ինչպես եղավ տրճիկ էր տալիս Շուշիում, որևէ մեկը ձայն չէր հանում․․․»,- նշեց Մանուկյանը։