«Մարդիկ աշխատում են օրնիբուն, բայց կա՛մ աղքատ են, կա՛մ ծայրահեղ աղքատ»․ Թադևոս Ավետիսյան

«Մարդիկ աշխատում են օրնիբուն, բայց կամ աղքատ են, կամ ծայրահեղ աղքատ։ Միջին աշխատավարձը կազմում է շուրջ 150 հազար դրամ։ Այսինքն, նույնիսկ միջին աշխատավարձով ապրով միջին խավը չափավոր աղքատ է, որովհետև նրա եկամուտը չի բավականացնում նույնիսկ երկու հոգանոց ընտանիքի նվազագույն կենսամակարդակը»,- Ֆրանսիայի հրապարակում հանրահավաքի ժամանակ հայտարարեց ԱԺ «Հայաստան» խմբակցության պատգամավոր Թադևոս Ավետիսյանը։

«Գնաճի տեմպերն ահագնանում են։ 2022-ի մայիսին արձանագրել ենք աննախադեպ գնաճ՝ հատկապես առաջին անհրաժեշտության ապրանքների գների մասով։ Օրինակ՝ պանիրն ու կարագը թանկացել են շուրջ 23 տոկոսով, բանջարեղենը՝ 51 տոկոսով, մակարոնեղենը՝ 28 տոկոսով, կարտոֆիլն ու կաղամբը նույնիսկ կրկինակի չափով, 25 տոկոսով՝ բենզինը, 50 տոկոսով՝ դիզելային վառելիքը, հոսանքն ու գազը․․․»,-իր ելույթում ասաց ընդդիմադիր պատգամավորը։

Մանրամասները՝ տեսանյութում։