«Հայ ժողովուրդն այն ժողովուրդն է, ով ծնկի է բերել Ալիևներին». Ի․ Սաղաթելյան

«Նիկոլը բաց տեքստով հայտարարում է, որ Արցախը պետք է լինի Ադրբեջանի կազմում։ Ժողովո՛ւրդ, մենք կարո՞ղ ենք հանդուրժել այս ճանապարհը։ Իհարկե՝ ոչ։ Բոլոր նրանք, ովքեր կարծում են Բաքվի, Սումագայիթի ջարդեր կազմակերպող Ադրբեջանը, Ռամիլ Սաֆարով ծնած Ադրբեջանը կարող է ապահովել արցախահայության անվտանգությունը, ինքը կա՛մ անմեղսունակ է, կա՛մ պետական դավաճան»,- Ֆրանսիայի հրապարակում համապետական հանրահավաքի ժամանակ հայտարարեց ԱԺ ընդդիմադիր փոխխոսնակ, «Դիմադրություն» շարժման համակարգող Իշխան Սաղաթելյանը։

Շարունակելով խոսքը՝ նա ասաց․ «Սպառնալիքներով կարող են խոսել միայն Նիկոլի հետ, հայ ժողովուրդը նիկոլ չէ՛, հայ ժողովուրդն այն ժողովուրդն է, ով ծնկի է բերել Ալիևներին»։