«Երկու հարց, որոնց պատասխաններն ընդդիմությունը չի տվել»․ Ոսկան Սարգսյան

Լրագրող Ոսկան Սարգսյանի գրառումը. «Երկու հարց, որոնց պատասխանները խորհրդարանական ընդդիմությունը չի տվել

Արցախը չի կարող լինել Ադրբեջանի կազմում, նրա ենթակայության տակ, այլապես Արցախը կհայաթափվի Նախիջևանի նման։ Խորհրդարանական ընդդիմությունը, հայտարարելով, որ Արցախը չի կարող լինել Ադրբեջանի կազմում, պետք է հայտարարի, թե որն է Արցախի խնդրի լուծումը, ինքն Արցախը ո՞ր երկրի կազմում է պատկերացնում, կամ՝ ինչպես է պատկերացնում նրա անկախությունը, չէ որ Արցախի անվտանգության երաշխավորն այլև ս Հայաստանը չէ, այլ ՝ այնտեղ գտնվող ռուսական զորքերը, որոնց խաղաղապահ մանդատը լրանում է 2025 թվականին։ Խորհրդարանական ընդդիմությունը չի հայտարարում, թե ինչպե՞ս և ե՞րբ է իշխանությունից հեռացնելու Նիկոլ Փաշինյանին։ Նիկոլ Փաշինյանը շարունակում է մանիպուլյացիաներ անել, թե Ռոբերտ Քոչարյանը, Սերժ Սարգսյանը, դաշնակցությունը Արցախը համարել էին Ադրբեջանի մաս։ Քաղաքականապես անտեղյակների համար նրա ասածը համոզիչ է, իսկ մտածելու ունակները դրան առարկում են, ասելով՝ եթե «նախկինները» Արցախը հանձնել էին, ինչու էր Ալիևը 2016-ին և 2020-ին պատերազմ սկսում, Նիկոլ Փաշինյանը 2018-2020 թվականներին ինչո՞ւ բացահայտումներ չէր անում, չէր ասում, որ Արցախի խնդրով բանակցությունների համար ինքը դժվար օրակարգ է ժառանգություն ստացել։ Հայաստանի տառապած և տառապող բնակչությունն արժանի է, որ իշխանությունը և ընդդիմությունը իր հետ անկեղծ լինեն, սակայն այդ անկեղծությունը երկու կողմից էլ չկա։ Այդ պատճառով է բնակչության մեջ խոր անտարբերություն կա Արցախի և Հայաստանի շուրջ ստեղծված ծանր վիճակի հանդեպ»։