«Ցանկացած ուժ ազատ է անգամ իր հոգեվարքի ձևի ընտրության հարցում»․ Սուրեն Սուրենյանց

Քաղաքագետ Սուրեն Սուրենյանցի գրառումը. «Առաջիկա 1,5-2 տարում ԱԺ արտահերթ ընտրություններն անխուսափելի են
Նախ քաղաքական ծրագիր, օրակարգ և ուժեղ հարթակ (թիմ) են ունենում, ապա նոր գեներացնում են զանգվածային շարժում։
Սա է քաղաքական հաջողության բանաձևը։
«Դիմադրություն» շարժումը գնաց հակառակ ճանապարհով ու քաղաքական պայքարի բաղադրիչները ձևավորելու ուղղությամբ սկսեց մտածել այն ժամանակ, երբ փողոցի շարժման ողնաշարը ջարդուխուրդ է եղել։
Ինչ ասեմ, ցանկացած ուժ ազատ է անգամ իր հոգեվարքի ձևի ընտրության հարցում։
Բայց ավելի լուրջ խնդիր կա»։
«Հայաստան» ու «Պատիվ ունեմ» դաշինքներն իրենց ամբողջությամբ սպառել են ոչ միայն փողոցում, այլ նաև խորհրդարանում։
Բովանդակային ընդդիմության բացակայությունն ԱԺ-ում հանգեցնելու է խորհրդարանական ինստիտուտի ֆունկցիոնալ ճգնաժամին, ինչն ավելի վատն է դարձնելու գործադիր իշխանության որակը։
Ժողովրդավարական օրակարգ ունեցող, դեմոկրատական այլընտրանք մարմնավորող ուժերը պարտավոր են կոնսոլիդացնել իրենց ռեսուրսները՝ երկու խնդիր լուծելու համար. ա) կայացնել որակապես նոր ընդդիմություն, բ) իշխանության հետ ձևավորել քաղաքական կոնսենսուս՝ առաջիկա 1,5- 2 տարում ԱԺ արտահերթ ընտրություններ անցկացնելու հարցում։
Հին համակարգը՝ որպես հակաքաղաքականության մոդել, պետ է դուրս մղվի քաղաքական դաշտից։
Միայն այդ դեպքում է հնարավոր քաղաքական դիսկուրսը կայացնել ոչ թե «ներկա- նախկի» առանցքով՝ հայտնվելով պատմության լաբիրինթոսում, այլ Հայաստանի վերակառուցման, մոդեռնիզացիայի ծրագրերի մրցակցության բաղադրիչով՝ պատմություն կերտելու հավակնությամբ»։