Հինգշաբթի, 11 օգոստոսի, 2022 թ.
|
Ստեփանակերտում`   +22 °C

«Տարակուսելի պայմանավորվածություն է կնքվել». Նարինե Դիլբարյան

«Տարակուսելի պայմանավորվածություն է կնքվել». Նարինե Դիլբարյան
181
Երկուշաբթի, 04 հուլիսի, 2022 թ., 15:24

Հայոց լեզվի պատմության ամբիոնի դոցենտ Նարինե Դիլբարյանը ֆեյսբուքյան իր էջում գրել է. «Հայաստանի քաղաքական կյանքում Արցախի հետ անխափան և անվտանգ միջանցքի ենթադրվող փոփոխության ուղեգծի բուռն քննարկումներն են, Բերձորի, Աղավնոյի և Սուսի հայ բնակչության ապրելու իրավունքի պաշտպանության գերխնդիրը, բայց հուլիսի 1-ին տեղի ունեցավ ունեցել Հայաստան-Թուրքիա հարաբերությունների կարգավորման հատուկ ներկայացուցիչներ Ռուբեն Ռուբինյանի և Սերդար Քըլըչի չորրորդ հանդիպումը։ Միակ առարկայական լուրը հետևյալն էր. «Ապահովել հայ-թուրքական ցամաքային սահմանը հատելու հնարավորությունը համապատասխանաբար Հայաստան և Թուրքիա այցելող երրորդ երկրների քաղաքացիների համար»: Ընդ որում ՀՀ ԱԳՆ-ն պատոնապես ընդգծեց, որ կողմերը որոշել են հնարավորինս արագ քայլեր ձեռնարկել դույն երրորդ երկրների քաղաքացիների համար: Հավելյալ հստակեցումներ չկան, ուստի հարց է ծագում՝ այդ ո՞ր երկրներն են իրենց քաղաքացիներով այդպես շտապում Հայաստանի տարածքով հաղորդակցվել Թուրքիայի հետ, առաջինը՝ Ադրբեջանը, հիմա Ռուբինյանը պատրաստվե՞լ է Բաքու-Անկարա կապն անմիջական դարձնել հայաստանյան ճանապարհներով, ինչո՞ւ Հայաստանով Ադրբեջանին «ազատ տարանցում» ապահովել դեպի Թուրքիա: Ի սկզբանե կասկածահարույց բանակցություններում նույնքան տարակուսելի պայմանավորվածություն է կնքվել»:

Աղբյուրը`   Նարինե Դիլբարյան