«Դատախազի անունից հայտարարել են, որ չեն ուզում հանդիպեն ծնողներին»․ զոհվածի հայր

Ինչպես արդեն հայտնել ենք, այսօր զոհված զինծառայողների ծնողները բողոքի ակցիա են իրականացնում դատախազության առջև։ Նրանք պահանջում են, որ վարչապետ Նիկոլ Փաշինյանին որպես մեղադրյալ ներգրավելու միջնորդությունը և գործը ՔԿ-ից տեղափոխվի ԱԱԾ։

Քիչ առաջ ծնողներից մեկը հայտարարեց, որ դատախազությունից փոխանցել են, թե չեն հանդիպի ծնողների հետ։

«Դատախազի անունից հայտարարել են, որ չեն ուզում իջնեն, պատճառը՝ նշելով, որ նորություն չունեն»,- լրագրողների հետ զրույցում ասաց զոհված զինծառայող ծնողներից մեկը։

«Ասել են, որ գործի տեղափոխման հարցը քննարկվում է, բայց չեն կարող ասել՝ երբ նորություն կլինի»,- հավելեց նա։