««Ընկերական կրակ» հասկացության նախաձեռնողը երբեք Հանրապետականը չի եղել». Հայկ Մամիջանյան

«Ընդդիմադիր երկու խմբակցությունների միջև որևէ տարաձայնություն չկա (ես մեր խմբակցության անունից եմ ասում)... Լավ, անկեղծ լինենք... Իրական ընդդիմադիր դաշտում «ընկերական կրակ» հասկացության նախաձեռնողը երբեք Հանրապետականը չի եղել, շատ հաճախ նույնիսկ արձագանքում չի եղել»,- այս մասին «Օրախնդիր» հաղորդման եթերում ասել է «Պատիվ ունեմ» խմբակցության պատգամավոր Հայկ Մամիջանյանը:

Նա կարծում է, որ ներքին խնդիրները կարող են շատ հեշտ լուծվել զանգերի միջոցով, իսկ որոշ ընդդիմադիրների՝ թիրախավորող հայտարարությունները հավանաբար մի քիչ ավել լսարան, ավել լայք հավաքելու համար են:

«Աղետ է, եթե՝ Արցախը չպիտի հայտնվի Ադրբեջանի կազմում նախադասության շուրջ ինչ-որ պահի մեր երկրում սկսկեն քիչ մարդիկ հավաքվել: Եվ դա ոչ թե մեկ ուժի կամ մեկ քաղաքական գործչի դժբախտությունը կլինի, այլ մեր ազգի ապագայի խնդիրը: Ու ինձ չի հետաքրքրում՝ էդ նախադասությունը բեմից ո՞վ կհայտարարի՝ Իշխան Սաղաթելյա՞նը, Վարդևանյան Արա՞մը, թե՞ մեկ ուրիշը»,- նշել է պատգամավորը: