«Ընդդիմությունը պատրաստվո՞ւմ է արդյոք նոյեմբերի 9-ի հայտարարությունը չեղարկել»․ Հայկ Կոնջորյան

«Երբ թվում է, թե ընդդիմությունն այլևս ուժասպառ է ու չի կարող երկնել մի նոր քաղաքական հիմարություն, հանկարծ ընդդիմությունը մեզ բոլորիս հերթական անգամ զարմացնում է և վերստին վերանվաճում քաղաքական անմեղսունակության Էվերեստը»,- Առաջին ալիքի եթերում՝ անդրադառնալով Նիկոլ Փաշինյանի ստորագրած բոլոր փաստաթղթերը չեղարկելու՝ ընդդիմության հայտարարությանը, ասել է ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։

«Եթե ընդդիմությունը պատրաստվում է ինչ որ բան չեղարկել, պատրաստվո՞ւմ են արդյոք նոյեմբերի 9-ի հայտարարությունը չեղարկել։ Նրանք դա դավաճանություն են համարում։ Եթե հիփոփետիկ հնարավորությամբ իրենք լինեն իշխանության շարունակելու են իրենց իսկ կողմից դավաճանական համարված փաստաթղթով աշխատել։ Իրենք իրենց կհամարեն դավաճան։ Հիմա որևէ նախատեսվող ստորագրվելիք փաստաթուղթ չկա։ Եթե նման բան լինի, հանրությունը այդ մասին տեղյակ կլինի»,- նշել է Կոնջորյանը։