«ԱՄՆ ԿՀՎ ղեկավարի այցը Հայաստան աննախադեպ էր. իշխանությունը փորձում էր կոծկել». Գեղամ Մանուկյան

«ԱՄՆ կենտրոնական հետախուզական գործակալության տնօրեն Ուիլյամ Բըրնսի այցը Հայաստան, որը աննախադեպ է Հայաստանի համար, այս իշխանությունը փորձում էր կոծկել մինչև տեղեկատվական արտահոսք եղավ, արդեն սա խոսուն փաստ է»,- այսօր կառավարության շենքի մոտ տեղի ունեցած բողոքի ակցիայից հետո լրագրողների հետ զրույցում ասաց «Հայաստան» խմբակցության պտգամավոր գեղամ Մանուկյանը՝ նշելով, որ, օրինակ, ՌԴ արտաքին հետախուզության ծառայության տնօրեն Սերգեյ Նարիշկի Հայաստան այցի մասին նախապես ազդարարվել էր:

«Սա արտառոց է: Եվս մեկ արտառոց դրված կա. Ամերիկացի պաշտոնյան հանդիպել էր ԱԽ քարտուղարի և Նիկոլ Փաշինյանի հետ, իր կոլեգայի՝ ԱԱԾ տնօրենի հետ առանձին հանդիպում չէր եղել: Ես զերծ կմնամ քաղաքագիտական տարբեր վերլուծություններից՝ ամենացնորամիտներից, թե իբր ամերիկացի պաշտոնյայի արցով փրկվեց Հայաստանը, Սյունիքը և այլն»,- ասաց Մանուկյանը: