Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Մեկ հարցազրույցով չեղարկեց ՀՀ 30-ամյա քարոզչամեքենայի գաղափարական մի քանի աքսիոմ». Արթուր Ղազարյան

«Մեկ հարցազրույցով չեղարկեց ՀՀ 30-ամյա քարոզչամեքենայի գաղափարական մի քանի աքսիոմ». Արթուր Ղազարյան
363
Չորեքշաբթի, 20 հուլիսի, 2022 թ., 13:36

Ծրագրավորող, մաթեմատիկոս Արթուր Ղազարյանը ֆեյսբուքյան իր էջում գրել է․ «Փաստորեն Հայաստանի անվտանգության խորհրդի քարտուղարն ընդամենը մեկ հարցազրույցով չեղարկեց Հայաստանի 30-ամյա քարոզչամեքենայի գաղափարական մի քանի աքսիոմ՝ ըստ նրա.

- Արցախում կա Հայաստանից այնտեղ տեղափոխված բանակ։

- Հայաստանից դեպի Արցախ կատարվել է զորակոչ, ինչը ժխտում էին բոլոր ժամանակների հայկական իշխանությունները։

- Հետևաբար ՄԱԿի անվտանգության խորհրդի 90-ականների պահանջը, հայկական տեղական ուժեր ասելով, փաստորեն Հայաստանի բանակին էր վերաբերվում։

- Միջազգային դատարաններում այսուհետ ԱԽՔ քարտուղարի ասածը հիմք կհանդիսանա, Հայաստանի կողմից բազմամիլիարդ փոխհատուցումների համար, քանի որ, ըստ իրեն, Արցախում չի եղել ազատագրական պայքար, այլ նա ընդունեց, որ Հայաստանի բանակն է մտել Արցախ, օկուպացրել ու քանդել միլիոնավոր ադրբեջանցիների տները, այն ժամանակ, երբ թուրքական խորհրդատուների և վարձկանների մասնակցությունն ադրբեջանական կողմն առ այսօր ժխտում է։

Հիմա բոլորիդ է պարզ, թե ինչու ինքնասպան եղավ այդ տղայի հայրը, երբ նա ԱԽՔ քարտուղարի պաշտոն ստացավ։ Սա ուղղակի պետական դավաճանություն որակելն էլ է քիչ։ Սա աննախադեպ մի բան է։ Ու սրան որպես արցախցի են նշանակել այդ պաշտոնին, ինչն արցախցիների վարկաբեկման նպատակի մի մասն է»։

Աղբյուրը`   Արթուր Ղազարյան