Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«ԱՄՆ հետախուզության ղեկավարի՝ ՀՀ այցի ֆոնին, որևէ բան չկա Թբիլիսի և Բաքու նրա այցի մասին». Հակոբ Բադալյան

«ԱՄՆ հետախուզության ղեկավարի՝ ՀՀ այցի ֆոնին, որևէ բան չկա Թբիլիսի և Բաքու նրա այցի մասին». Հակոբ Բադալյան
212
Հինգշաբթի, 21 հուլիսի, 2022 թ., 17:30

Քաղաքական մեկնաբան Հակոբ Բադալյանի գրառումը. «ԱՄՆ հետախուզության ղեկավարի՝ Հայաստանում շատ քննարկված այցի ֆոնին, որևէ բան չկա Թբիլիսի և Բաքու նրա այցի մասին: Ավելին, ադրբեջանական քարոզչությունը բավականին հանգամանալից «ծավալվում» է նրա երևանյան այցի շուրջ, իսկ ահա Բաքու այցի մասին՝ ոչ մի խոսք: Բըրնսի Թբիլիսի և Բաքու այցեր կարծես թե չեն էլ եղել, այն դեպքում, երբ դրանք իրականում եղել են ու այցը եղել է ռեգիոնալ:

Հայաստան այցի առումով Երևանը որոշել է, որ պետք է այցն ունենա նվազագույն լուսաբանում, այսինքն՝ արձանագրում, որ այց եղել է:

Ըստ այդմ՝ այս պարագայում, մենք կարո՞ղ ենք նվազագույնը դիտարկել տարբերակ, որ գործնականում սա ԱՄՆ ԿՀՎ տնօրենների ամենևին էլ առաջին այցը չէ ռեգիոն, և նախկինում՝ տարբեր տարիների, կարող էին եղած լինել այդպիսի այցեր, պարզապես այն ժամանակ այցի գաղտնիության մոտեցումը ընդունել է նաև Երևանը, ու ինչպես այսօր Թբիլիսի և Բաքու այցերը կարծես թե «չեն եղել», այդ կերպ էլ «չեղածի» հաշիվ են եղել նախկին տարիներին հնարավոր ռեգիոնալ այցերը»:

Աղբյուրը`   Հակոբ Բադալյան