«Հյուսիսային Կորեայից էլ ենք առաջ, ցնծա, հա՛յ ժողովուրդ». Լևոն Բարսեղյան

«Ասպարեզ» մամուլի ակումբի նախագահ Լևոն Բարսեղյանը ֆեյսբուքյան իր էջում տեսանյութ է հրապարակել՝ կից գրելով. «Հս. Կորեայից էլ ենք առաջ, ցնծա, Հա՛յք ու հա՛յ ժողովուրդ:
Նախ հայտարարում ես անցումային արդարադատություն (17.08.2018), հետո՝ վեթթինգ ու դատավորնների մաքրում (20.05.2019), հետո գերաշնորհ և վերապատվելի Բադասյանը համոզում է, թե քըխ է վեթթինգը, չանես տենց բան, հետո Բադասյանը դառնում է ՊԵԿ թագավոր ախպեր, հետո գալիս է ուրիշ նախարար, ու ասում է, որ վեթթինգը այնուհանդերձ լավ բան է, հետո սկսում են մշակել վեթթինգի բարդ գծագիր, ու ոչ մի դատավոր դեռ վեթթինգի չի ենթարկվել ու որակազրկվել, տուն գնացել: Ու ֆաքմեջ ես անում 4 տարի, ՉՈՐՍ ՏԱՐԻ: Էդ ընթացքում իրավաբանական ֆակուլտետ կավարտեին մարդիկ... Հետո համեմատում ես մեր դատական համակարգն այնպիսի երկրների հետ, ինչպիսիք են Ադրբեջանը, Մոլդովան, Բելառուսը, Ուկրաինան և Վրաստանն ու պարզվում է՝ Հայաստանը փառահեղ դատական համակարգ ունի սրանց համեմատ: Բա էս էի՞նք ուզում, հարգելի՛ սեղանակից ընկերներ, կամ հեղափոխականներ: Իսկ ավելի նպատակահարմար չէ՞ Ռուսաստանի ու Հս. Կորեայի դատական համակարգի հետ համեմատել Մացոյին, Տաթոյին, Նախշքարյանին ու Արտուշ Գաբրիելյանին, ընդհանրապես կայֆերի մեջ կխելագարվենք: Երևի խնայում է մեզ:

Թե բա՝ «բավարար հաջողություններ չենք ունեցել», ա՛յ քեզ համեստություն, Սերժիկի ավերակները շարունակում են բարեհաջող ավիրել դատական համակարգը, ու սա անբավարար հաջողություններ են, հա՞: Փայլուն հաջողություններ են: Ես մեր լիդեր ցավը տանեմ, հավիտյանս հավիտենից, ամեն»: