«Եթե ժողովրդավարությունը ձեզ համար կարևոր է, ինչո՞ւ Ադրբեջանի հետ կնքեցիք էներգետիկ համաձայնագիր»․ լրագրողը՝ Մքալիսթերին

«Եթե ժողովրդավարությունը, մարդու իրավունքները ձեզ համար կարևոր են, ինչո՞ւ Ադրբեջանի հետ կնքեցիք էներգետիկ համաձայնագիր»,- այսօր՝ ասուլիսի ժամանակ լրագրողը հարցրեց Եվրոպական խորհրդարանի արտաքին հարցերով կոմիտեինախագահ Դեյվիդ Մքալիսթերին։

«Այս համաձայնագիրը, որ մենք ստորագրել ենք Ադրբեջանի հետ, վերաբերում է էներգետիկ ռեսուրսներին։ Մարտահրավերը, որին բախվում ենք Եվրոպայում ակնհայտ պատճառներով, ստիպված ենք արագորեն սահմանափակել և նվազեցնել գազի ներկրումները ՌԴ-ից, ուզում ենք նվազ կախյալ լինել ռուսական գազից և ավելի քիչ վճարել, որովհետև եթե մենք գնենք ռեսուրսներ, ապա անուղակիորեն կֆինանսավորենք ագրեսորի պատերազմը Ուկրաինայի դեմ»,- ի պատասխան ասաց Մքալիսթերը։