«Իշխանություն-ընդդիմություն արհեստականորեն բևեռացված բաժանումը պատուհաս է»․ Ռոբերտ Ղևոնդյան

Քաղաքագետ Ռոբերտ Ղևոնդյանը ֆեյսբուքյան իր էջում գրել է. ««Եթե ի վերջո որոշենք, որ առաջադրվելու է իմ թեկնածությունը, ապա դա կլինի իմ կողմից մեկ հավելումով».- Սերժ Սարգսյան, 2018
«Մենք վերադառնալու ենք խորհրդարան՝ բացառապես մեր օրակարգով».- Իշխան Սաղաթելյան 2022
Սեփական խոսքի տակից մի կերպ դուրս գալու միտումը պահպանվել է, դերակատարներն էլ նույն քաղաքական տեսակն են ներկայացնում՝ «որ պահին ոնց հարմար է, հետո մի բան կանենք» կարգախոսով, որից նույնիսկ իրենց կողմնակիցների մի մասն է հիասթափվում:

Բայց այս հատվածից սպասումները ավելին չէին հենց սկզբից, խնդիրն այլ տեղ է. իշխանություն-ընդդիմություն արհեստականորեն բևեռացված բաժանումը պատուհաս է դարձել հասարակության համար: Վերջ ի վերջո իշխանությունը պիտի հասկանա, որ սև-սպիտակի վրա քաղաքական դաշտ չեն կառուցում, հասարակությանը քաղաքական գրագիտություն է պետք սովորեցնել, ազատել մանիպուլյացիաներից կախվածությունից:

Անհատների ջանքերը բավարար չեն, համակարգված աշխատանք է պետք: Եվ ինչքան էլ դա կարող է իշխող քաղաքական ուժին ձեռնտու չլինել, բայց պետության առանցքային շահերից է բխում»: