«Ցանկացած քաղաքական պարտադրանք իր հետևից բերելու է ինքնության փոփոխության խնդիր». Հրանուշ Խառատյան

«Մենք շարունակելու ենք պնդել՝ որքան այս թեման դառնա օրակարգային, որքան կրկնակի ներմուծման առիթ և հնարավորություն, մենք ամեն առիթով պիտի բարձրաձայնենք: Այն գաղափարը, որ Հայաստանը քաղաքական ճնշման տակ պետք է ընտրի իր մշակութային կողմնորոշումը, բացարձակապես պետք է հանրային լուրջ դիմադրության հանդիպի»,- «Ո՜չ ռուսական ԶԼՄ-ներին, ո՜չ ռուսական դպրոցներին» թեմայով մամուլի ասուլիսի ժամանակ հայտարարեց ազգագրագետ Հրանուշ Խառատյանը:

«Մեզ համար ռուսերեն լեզուն, մասնավորապես, կարևորներից մեկն է, և այն մեր հասարակությունը պետք է սովորի և իմանա, բայց դա մեր հասարակության ընտրությունը պետք է լինի, այդ լեզվի ծավալների և այդ լեզվի կարգավիճակի խնդիրը պետք է մեր օրակարգից բխի և ոչ թե մեզ պարտադրվի: Ցանկացած քաղաքական պարտադրանք իր հետևից բերելու է նոր պարտադրանքներ, բերելու է ինքնության փոփոխության խնդիր և ցանկացած էդպիսի քաղաքական ճնշման տակ, քաղաքական նկատառումներով, հարկադրանքով մեզ պարտադրված որևէ որոշում մեր հասարակությունը պետք է փոխի»,- ասաց ազգագրագետը: